Yuxarı

​“Azəriqaz” İB tərəfindən noyabr ayında 15 min mənzilə texniki baxış keçirilib

Həmin mənzillərin 2219 Binəqədi Qaz İstismar Sahəsi üzrə qeydiyyatdan keçib

Bakı. 26 dekabr. REPORT.AZ/ ARDNŞ-nin “Azəriqaz” İstehsalat Birliyinin “Qaz kəmərlərinə və cihazlarına texniki xidmət sahəsi”nin əməkdaşları tərəfindən cari ilin noyabr ayı ərzində 14676 mənzilə profilaktik xidmət işləri keçirilib, istehlakçılara təbii qazdan istifadə qaydaları üzrə təlimatlar verilib. Bu barədə "Report"a SOCAR-ın mətbuat xidmətindən məlumat verilib.

Məlumata görə həmin mənzillərin 2219 Binəqədi Qaz İstismar Sahəsi üzrə, 862-i Xətai Qaz İstismar Sahəsi üzrə, 3368-i Yasamal Qaz İstismar Sahəsi üzrə, 839-u Nərimanov Qaz İstismar Sahəsi üzrə, 2795-i Nizami Qaz İstismar Sahəsi üzrə, 532-si Suraxanı Qaz İstismar Sahəsi üzrə, 1690-ı Nəsimi Qaz İstismar Sahəsi üzrə, 275-i Xəzər Qaz İstismar Sahəsi üzrə, 1348-i Qaradağ Qaz İstismar Sahəsi üzrə və 748-i Səbail Qaz İstismar Sahəsi üzrə qeydiyyatdan keçib.

Həyata keçirilən texniki baxış zamanı mətbəxin və ya vanna otağının həcminin normaya uyğun olmaması, vanna otağının qapısında dəliklərin olmaması, vanna otağının qapısının içəri açılması, qaz xətlərinin qapalı yerlərdən aparılması, mətbəx və ya vanna otağının yerinin dəyişdirilməsi, qeyri-standart və nasaz qaz cihazlarından istifadə olunması, qaz xətlərinin rezin şlanq vasitəsilə çəkilməsi, tüstü borularında, ventilyasiya kanallarında hava çəkiminin normal olmaması, istehlakçıların mənzillərində xəbərdarlıqdan sonra belə texniki baxış keçirməyə şərait yaratmaması kimi qanun pozuntuları aşkar olunub. Ümumilikdə 3903 (Binəqədi QİS üzrə 342, Xətai QİS üzrə 376, Yasamal QİS üzrə 1095, Nərimanov QİS üzrə 89, Nizami QİS üzrə 562, Suraxanı QİS üzrə 154, Nəsimi QİS üzrə 609, Xəzər QİS üzrə 132, Qaradağ QİS üzrə 351 və Səbail QİS üzrə 193) istehlakçının mənzilinin və ya ayrı-ayrı cihazların qaz təchizatı müvafiq qaydada dayandırılıb.

Təbii qazdan təhlükəsiz istifadə olunması və gələcəkdə baş verə biləcək bədbəxt hadisələrin qarşısının alınması məqsədi ilə bundan sonra da texniki baxışlar davam etdiriləcək. “Azəriqaz” İstehsalat Birliyi istehlakçılardan təbii qazdan istifadə zamanı xüsusi ilə diqqətli olmalarını, texniki təhlükəsizlik qaydalarına ciddi əməl etmələrini xahiş edir.

Xatırladaq ki, Azərbaycan Respublikası Nazirlər Kabinetinin 12.05.2011-ci il tarixli qərarı ilə təsdiq edilmiş “Qazdan istifadə Qaydaları”na uyğun olaraq həyata keçirilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi