“Azərenerji” ASC-də “Heydər Əliyev ideyaları ilə yeni strateji hədəflərə doğru” adlı tədbir keçirilib

“Azərenerji” ASC-də “Heydər Əliyev ideyaları ilə yeni strateji hədəflərə doğru” adlı tədbir keçirilib Sonda ulu öndər Heydər Əliyevin həyat fəaliyyətinə həsr olunan “Azərenerji” ASC tərəfindən hazırlanan film göstərilib
Energetika
1496
10 May , 2017 19:15
“Azərenerji” ASC-də “Heydər Əliyev ideyaları ilə yeni strateji hədəflərə doğru” adlı tədbir keçirilib

Bakı. 10 may. REPORT.AZ/ Bu gün “Azərenerji” ASC-də ulu öndər Heydər Əliyevin anadan olmasının 94-cü ildönümünə həsr olunmuş tədbir keçirilib. 

ASC-dən "Report"a verilən məlumata görə, “Heydər Əliyev ideyaları ilə yeni strateji hədəflərə doğru” adlı tədbirdə Səhmdar Cəmiyyətin prezidenti Etibar Pirverdiyev geniş məruzə ilə çıxış edib.

Natiq bildirib ki, Heydər Əliyev ölkəmizə rəhbərlik etdiyi hər iki mərhələdə, həm sovet, həm də müstəqillik dövründə öz müqayisəolunmaz və təkrarolunmaz fəaliyyəti ilə Azərbaycanın çiçəklənməsi üçün misilsiz işlər görmüş və əvəzsiz xidmətlər göstərmişdir. Respublikanın hərtərəfli, davamlı tərəqqisi üçün fundamental baza yaratmış və icra mexanizmi formalaşdırıb.

E.Pirverdiyevin sözlərinə görə, ulu öndərin ölkə rəhbərliyinə hər gəlişi ilə yeni tarixi səhifə yazılıb, yeni nailiyyətlər əldə olunub. Heydər Əliyevin rəhbərliyinin birinci dövründə yaradılmış geniş imkanlar hesabına Azərbaycan artıq ötən əsrin 70-ci illərindən nəinki özünü elektrik enerjisi ilə tam təmin etməyə, həm də qonşu respublikaları elektrik enerjisi ixrac etməyə başladı. Ulu Öndərin polad iradəsi nəticəsində vaxtilə “Azərbaycan” İES-in tikilib istifadəyə verildiyini vurğulayan E.Pirverdiyev bu stansiyanın təkcə enerjisistem üçün deyil, bütövlükdə ölkə iqtisadiyyatı və bu günkü müstəqillik üçün mühüm əhəmiyyət daşıdığını qeyd edib. O, hazırda Prezident İlham Əliyev tərəfindən həyata keçirilən və yeni strateji hədəflərə hesablanmış dərin və strateji islahatların Azərbaycanın davamlı və dinamik inkişafını təmin etdiyini və Azərbaycan Respublikasının kompleks şəkildə öz yeni inkişaf mərhələsinə qədəm qoyduğunu bildirib. ASC prezidenti dahi lider Heydər Əliyevin təkcə elektroenergetika sahəsində gördüyü işlər və həyata keçirdiyi misilsiz layihələr barədə saatlarla, hətta günlərlə danışmağın mümkün olduğunu vurğulayıb.

Milli Məclisin İnsan hüquqları və Mədəniyyət komitəsinin üzvü Əflatun Amaşov Heydər Əliyev ilə bağlı fikirlərini tədbir iştirakçıları ilə bölüşüb, müstəqil Azərbaycanın arxitekturasının memarı kimi ulu öndərin göstərdiyi misilsiz xidmətlərdən danışıb.

Sonra Milli Məclisin Müdafiə, təhlükəsizlik və korrupsiya ilə mübarizə komitəsinin sədr müavini Aydın Mirzəzadə ulu öndər Heydər Əliyevin siyasi və dövlətçilik fəaliyyətinin ən mühüm aspektlərindən söz açıb, onun ölməz ideyalarının Azərbaycanın bu günü və gələcəyi üçün strateji əhəmiyyətini diqqətə çatdırıb.

Sonda ulu öndər Heydər Əliyevin həyat fəaliyyətinə həsr olunan “Azərenerji” ASC tərəfindən hazırlanan film nümayiş olunub.

Son xəbərlər

Orphus sistemi