Azərbaycanın neft məhsullarının ixracından gəliri 2,3 dəfə artıb

Bakı. 9 mart. REPORT.AZ/ Bu ilin yanvar-fevral ayları ərzində Azərbaycan 217 283 ton həcmində neft məhsulları ixrac edib.

“Report”un Dövlət Gömrük Komitəsinə istinadən verdiyi xəbərə görə, bu həcmdə neft məhsullarının dəyəri 107,007 mln. ABŞ dolları təşkil edib.

Hesabat dövründə neft məhsullarının Azərbaycanın ümumi ixracında payı 4,84% olub.

Bu ilin yanvar-fevral aylarında ixrac olunan neft məhsullarının miqdarı illik müqayisədə 84%, dəyəri isə 2,3 dəfə artıb.