Azərbaycanda bərpa olunan mənbələrdən elektrik enerjisi istehsalı 11 % artıb

Bu ilin yanvar-aprel aylarında Azərbaycanda su da daxil olmaqla bərpa olunan mənbələrdən 618,8 milyon kVt/saat elektrik enerjisi istehsal edilib.

"Report" xəbər verir ki, bu barədə energetika naziri Pərviz Şahbazov özünün "Twitter" səhifəsində yazıb.

Onun sözlərinə görə, bu, ötən ilin eyni dövrü ilə müqayisədə 59,6 milyon kVt/saat və yaxud 10,7 % çoxdur.