Azərbaycanda benzin yenidən ucuzlaşdırılıb

Azərbaycanda benzin yenidən ucuzlaşdırılıb Dövlət başçısının tapşırığı ilə yanacağın qiyməti aşağı salınıb
Energetika
6703
14 Yanvar , 2015 12:52
Azərbaycanda benzin yenidən ucuzlaşdırılıb

Bakı. 14 yanvar. REPORT.AZ/ Azərbaycan Prezidentinin tapşırığı ilə yanvarın 14-də Tarif (qiymət) Şurasının növbədənkənar iclası keçirilib. İclasda neft məhsullarının qiymətlərinə yenidən baxılıb və tariflərin tənzimlənməsi barədə yeni qərar qəbul edilib. Qərara əsasən, Şuranın "Ölkə daxilində neft məhsullarının tariflərinin tənzimlənməsi barədə" 2015-ci il 12 yanvar tarixli qərarı ləğv edilib.

Tarif Şurasından "Report"a verilən xəbərə görə, ölkə ərazisində istehsal edilərək daxili istehlaka yönəldilən avtomobil benzini, dizel yanacağı və maye qazın hər 1 litri üzrə 2 qəpik yol vergisi şirkətdaxili tariflərin azaldılması hesabına tətbiq edilməklə, əvvəl olduğu kimi Ai-92 markalı avtomobil benzininin pərakəndə satış qiyməti 1 litr üçün 70 qəpik, dizel yanacağının pərakəndə satış qiyməti isə 1 litr üçün 60 qəpik səviyyəsində müəyyən edilib. Həmçinin, maye qazın topdansatış qiyməti 1 ton üçün 300 manatdan 263,6 manata endirilib və yol vergisi ilə birlikdə topdansatış qiyməti 1 ton üçün 300 manat müəyyənləşdirilib.

Qərar 2015-ci il yanvarın 15-dən qüvvəyə minəcək.

Son xəbərlər

Orphus sistemi