Yuxarı
    Bağlamaq

    Azərbaycanda avtomobil benzini və dizel yanacağının istehsalı artıb

    Dinlə

    Bakı. 16 may. REPORT.AZ/ Bu ilin yanvar-aprel ayları ərzində Azərbaycanda neft məhsullarının istehsalı sahəsində istehsalın ümumi dəyəri 979,2 mln. manat olub.

    “Report”un Dövlət Statistika Komitəsinə istinadən verdiyi xəbərə görə, bu isə ötən ilin yanvar-aprel ayları ilə müqayisədə 0,3% çoxdur.

    Hesabat dövründə ölkədə 414,4 min ton avtomobil benzini istehsal edilib. Bu isə illik müqayisədə 0,1% çoxdur.

    İlin dörd ayında Azərbaycanda 73,5 min ton neft-kimya sənayesində istifadə üçün benzin, 667,8 min ton dizel yanacağı, 14 min ton sürtkü yağları, 85,1 min ton neft bitumu, 88,1 min ton neft koksu istehsal olunub. Neft-kimya sənayesində istifadə üçün benzin istehsalı 6,8%, dizel yanacağının istehsalı 6,8%, sürtkü yağlarının istehsalı 91,8%, neft bitumunun istehsalı 2,1 dəfə, neft koksunun istehsalı isə 45,9% artıb.

    Yanvar-aprel ayları ərzində Azərbaycanda 191,6 min ton ağ neft, 23,5 min ton yanacaq mazutu isrtehsal olunub ki, ağ neftin istehsalında 4,1%, yanacaq mazutunun istehsalında 89,8% azalma qeydə alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi