Yuxarı
    Bağlamaq

    Azərbaycanda avtomobil benzini istehsalı 17% artıb

    Azərbaycanda neft məhsullarının dəyər ifadəsində istehsal həcmi 401 mln. manat təşkil edib

    Bakı. 17 mart. REPORT.AZ/ Bu ilin yanvar-fevral ayları ərzində Azərbaycanda neft məhsulları istehsalının dəyər ifadəsində ümumi həcmi 401 mln. manat təşkil edib.

    “Report” Dövlət Statistika Komitəsinə istinadən xəbər verir ki, bu isə əvvəlki ilin yanvar-fevral ayları ilə müqayisədə 6,1% azdır.

    Bu ilin iki ayı ərzində 210,1 min ton avtomobil benzini istehsal olunub ki, bu da ötən ilin müvafiq dövründən 17% çoxdur. Hesabat dövründə 33,9 min ton neft-kimya sənayesində istifadə üçün benzin, 3 min ton sürtkü yağları, 28,2 min ton neft koksu istehsal olunub. Neft-kimya sənayesində istifadə üçün benzinin ishehsalı 21,9%, sürtkü yağlarının istehsalı 3,3 dəfə, neft koksusunun istehsalı isə 3,9 dəfə artıb.

    İlin iki ayı ərzində ölkədə 105,2 min ton ağ neft, 316,4 min ton dizel yanacağı, 144,9 min ton yanacaq mazutu, 10,8 min ton neft bitumu istehsal olunub.

    Ağ neftin istehsalı 7,3%, dizel yanacağının istehsalı 13,6%, yanacaq mazutunun istehsalı 37%, neft bitumunun istehsalı 44% azalıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi