Yuxarı

​Azərbaycanda avtomobil benzini istehsalı 1,4% artıb

Hesabat dövründə 572,4 min ton avtomobil benzini istehsal olunub

Bakı. 14 iyul. REPORT.AZ/ Bu ilin I yarısında Azərbaycanda neft məhsullarının istehsalı sahəsində istehsalın ümumi dəyəri 1329,8 mln. manat olub.

"Report" Dövlət Statistika Komitəsinə istinadən xəbər verir ki, neft məhsullarının istehsalı əvvəlki ilin yanvar-iyun ayları ilə müqayisədə 3% azalıb.

Hesabat dövründə 572,4 min ton avtomobil benzini istehsal olunub ki, bu da ötən ilin müvafiq dövründən 1,4% çoxdur. İlin I yarısında 322,2 min ton ağ neft (0,9% çox), 389,0 min ton yanacaq mazutu (8,5 dəfə çox) istehsal olunub.

Neft məhsullarından neft-kimya sənayesində istifadə üçün benzin istehsalında 1,9%, dizel yanacağının istehsalında 22,2%, sürtkü yağlarının istehsalında 50%, neft bitumunun istehsalında 12,4%, neft koksunun istehsalında 25,5% azalma qeydə alınıb. Belə ki, 96,5 min ton neft-kimya sənayesində istifadə üçün benzin, 1 147,4 min ton dizel yanacağı, 5,1 min ton sürtkü yağları, 60,6 min ton neft bitumu, 90,7 min ton neft koksu istehsal olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi