Yuxarı
    Bağlamaq

    Sabah Azərbaycanda 3 magistral qaz kəmərləri sahəsində təmir aparılacaq

    Bir neçə ərazinin qaz təchizatında məhdudiyyətlər olacaq

    Bakı. 15 dekabr. REPORT.AZ/ Dekabrın 16-da saat 10:00-dan 18:00-dək Azərbaycan Dövlət Neft Şirkətinin (SOCAR) Qaz İxrac İdarəsinin Abşeron magistral qaz kəmərləri sahəsinin “28 May”, “Zirə-3” və “Şimal DRES” qazpaylama stansiyalarında təmir işləri aparılacaq.

    "Report" SOCAR-ın mətbuat xidmətinə istinadən xəbər verir ki, təmir işləri Qazax magistral qaz kəmərləri sahəsinin “Alabaşlı” və “Bağmanlar”, Astara magistral qaz kəmərləri sahəsinin “Alvadı” və ''Xarxatan'' qazpaylama stansiyalarında, eləcə də bəzi ölçü qovşaqlarında aparılacaq.

    Təmir müddətində Şəmkirin Könüllü, Gəncənin Bağbanlar, Göy-gölün Nadel, Samuxun Alabaşlı, Masallının Təzə Alvadı və Köhnə Alvadı, Lənkəranın Xarxatan, Liman, Separadi, Boladi, Şirin su, Nərimanabad və Balıqçılar kəndlərinin qaz təchizatında məhdudiyyətlər olacaq.

    Aparılan işlərin Xəzər rayonunun Zirə, Mərdəkan, Sahil və Şüvəlan qəsəbələrinin bir hissəsinin qaz təchizatına təsir göstərməsi də mümkündür. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi