Yuxarı

Azərbaycanda 179 mln. manat məbləğində neft məhsulları istehsal olunub

Yanvarda 100,2 min ton avtomobil benzini istehsal edilib

Bakı. 20 fevral. REPORT.AZ/ Bu ilin yanvar ayında Azərbaycanda neft məhsullarının istehsal həcmi 178,7 mln. manat təşkil edib.

"Report" Dövlət Statistika Komitəsinə istinadən xəbər verir ki, bu göstərici əvvəlki ilin yanvar ayı ilə müqayisədə 3,3% azalıb.

Yanvar ayında 100,2 min ton avtomobil benzini istehsal olunub ki, bu da ötən ilin yanvar ayından 10,7% azdır.

Hesabat ayında istehsal olunan dizel yanacağının həcmi isə 198,7 min ton təşkil edib. Bu məhsulun istehsalı ötən ilin müvafiq ayından 23,6% az olub.

Ötən ay 0,8 min ton sürtkü yağları, 10,7 min ton neft bitumu, 7,2 min ton neft koksu istehsal olunub. Sürtkü yağlarının istehsalı 2015-ci ilin yanvar ayından 27,3%, neft bitumunun istehsalı 7,8%, neft koksunun istehsalı 64,5% az təşkil edib.

Yanvar ayında 59,6 min ton ağ neft, 14,6 min ton neft-kimya sənayesində istifadə üçün benzin, 97,7 min ton yanacaq mazutu istehsal olunub. Ağ neftin istehsalı 3,1%, neft-kimya sənayesində istifadə üçün benzinin istehsalı 3,5 dəfə, yanacaq mazutunun istehsalı 488,5 dəfə artıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi