​Azərbaycan şirkətləri Rusiyada keçiriləcək beynəlxalq neft sərgisinə dəvət olunub

Bakı. 29 aprel. REPORT.AZ/ Rusiyanın Ufa şəhərində (Başqırdıstan Respublikası) “Qaz. Neft. Texnologiyalar-2016” beynəlxalq sərgisi keçiriləcək.

“Report”un Azərbaycanda İxracın və İnvestisiyaların Təşviqi Fonduna (Azpromo) istinadən verdiyi xəbərə əsasən, beynəlxalq sərginin may ayının 24-27-də keçirilməsi planlaşdırılır.

Azərbaycanda fəaliyyət göstərən sahibkarlar və işgüzar dairələr sərgidə iştiraka dəvətlidir. Tədbir haqqında ətraflı məlumat əldə etmək istəyənlər "Azpromo"ya müraciət edə bilərlər.