Bakı. 6 oktyabr. REPORT.AZ/ "Azərbaycan qazını İtaliyadan keçməklə Avropaya nəql edəcək Trans-Adriatik Boru Kəməri (TAP) layihəsi vaxtında yekunlaşdırılacaq".
"Report" xəbər verir ki, bunu jurnalistlərə açıqlamasında İtaliyanın Azərbaycandakı səfiri Auqusto Massari deyib.
Onun sözlərinə görə, İtaliyada TAP-ın zeytun bağlarından keçməsi ilə bağlı müəyyən problem yaranmışdı: "Layihənin yazda həyata keçirilməsi ilə bağlı bəzi problemlərimiz var idi. Artıq, həmin problemlər həll edilib, hər şey qaydasındadır. TAP vaxtında yekunlaşdırılacaq və Azərbaycan qazı İtaliya ərazisindən keçərək Avropaya çatdırılacaq".