Yuxarı

​Azərbaycan OMV şirkətində pay almaqda maraqlıdır

SOCAR prezidenti Rövnəq Abdullayev qeyd edib ki, şirkət səhmləri sərfəli şərtlərlə almaq fikrindədir

Bakı. 2 aprel. REPORT.AZ/ Azərbaycan Dövlət Neft Şirkəti (SOCAR) Avstriyanın OMV şirkətinin səhmlərinin alınmasında maraqlıdır. "Report" xəbər verir ki, bunu jurnalistlərə açıqlamasında SOCAR prezidenti Rövnəq Abdullayev deyib.

R.Abdullayevin sözlərinə görə, SOCAR adıçəkilən şirkətin səhmlərini sərfəli şərtlərlə almaq fikrindədir.

"OMV səhm satışını elan edib və biz bunda maraqlıyıq. Lakin bu o demək deyil ki, biz nəyin bahasına olursa-olsun, onu əldə etmək istəyirik. Biz ona normal aktiv kimi baxırıq və bu məsələylə bağlı iş gedir", - deyə SOCAR prezidenti əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi