Azərbaycan iki ayda 29 mln. dollarlıq təbii qaz ixrac edib

Bakı. 9 mart. REPORT.AZ/ Bu ilin yanvar-fevral ayları ərzində Azərbaycan 205,048 mln. kubmetr təbii qaz ixrac edib.

“Report”un Dövlət Gömrük Komitəsinə istinadən verdiyi xəbərə görə, bu miqdarda təbii qazın dəyəri 29,428 mln. ABŞ dolları təşkil edib.

Təbii qazın ümumi ixracda payı 1,33% olub.

Bu ilin iki ayı ərzində ixrac olunan təbii qazın miqdarı ötən ilin müvafiq dövründən 37%, dəyəri isə 25% azdır.