Yuxarı

Azərbaycan-Gürcüstan-Türkiyə-Almaniya enerji konfransı keçiriləcək

Tədbirdə Almaniya, Türkiyə və Gürcüstanın yüksək səviyyəli dövlət nümayəndələrinin iştirakı planlaşdırılır

Bakı. 11 sentyabr. REPORT.AZ/ Bu ilin sonunda Azərbaycan-Gürcüstan-Türkiyə-Almaniya enerji konfransı keçiriləcək.

"Report"un Azərbaycan Energetika Nazirliyinə istinadən verdiyi xəbərə görə, tədbir Almaniya İqtisadiyyatının Şərq Komitəsi və İqtisadiyyat və Mədəniyyət üzrə Almaniya-Gürcüstan Cəmiyyətinin təşkilatçılığı ilə Almaniyada baş tutacaq.

Konfransın məqsədi Avropaya enerji təchizatı üzrə Azərbaycan, Gürcüstan və Türkiyənin siyasi mövqelərinin möhkəmləndirilməsi, həmçinin, həyata keçiriləcək enerji və infrastruktur üzrə yeni layihələrdə Almaniyanın işgüzar dairələrinin iştirakı üçün potensial sahələrin müəyyən edilməsinə töhfə verilməsindən ibarətdir.

"Azərbaycan Energetika Nazirliyi ölkənin Avropa, o cümlədən, Almaniyanın enerji təhlükəsizliyinin təminatına yönəlmiş enerji əməkdaşlığının inkişafı baxımından bu konfransın keçirilməsini yüksək qiymətləndirir. Energetika Nazirliyi konfransın keçirilməsinə dəstəyini ifadə etməklə yanaşı, hesab edir ki, enerji əməkdaşlığının dərinləşməsinə xidmət edən belə tədbirlər regional inkişaf və regional əməkdaşlığın inkişafı üçün də şərait yaradır", - məlumatda qeyd olunub.

Tədbirdə Almaniya, Türkiyə və Gürcüstanın yüksək səviyyəli dövlət nümayəndələrinin iştirakı planlaşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi