Yuxarı
    Bağlamaq

    Azərbaycan bu il elektrik enerjisi istehsalını 6% azaldıb

    May ayında isə istehsal illik müqayisədə dəyişməz qalıb

    Bakı. 3 iyun. REPORT.AZ/ Cari ilin may ayında Azərbaycanın enerji sistemində 1,6 mlrd. kVt/saata yaxın elektrik enerjisi istehsal edilib. "Report"un “Azərenerji” ASC-nin mətbuat xidmətinə istinadən verdiyi xəbərə görə, ötən ilin may ayı ilə müqayisədə göstərici dəyişməyib.

    Bununla yanaşı, ay ərzində ölkənin enerji sisteminin əlaqəsi olan qonşu dövlətlərlə elektrik enerjisi mübadiləsi davam etdirilib.

    Cari ilin ötən 5 ayı ərzində isə ümumilikdə 9,2 mlrd. kVt/saata yaxın elektrik enerjisi istehsal edilib ki, bu da 2015-ci ilin analoji dövrü ilə müqayisədə 6,12% azalma deməkdir. Bildirək ki, 2015-ci ilin 5 ayında istehsal 9,8 mlrd. kVt/saat olub.

    Həmçinin “Azərenerji”dən bildirilib ki, şirkət tərəfindən dövlət büdcəsinə ödənişlər müvafiq qaydada təmin edilib və 01.03.2016-cı il tarixə dövlət büdcəsinə borc olmayıb: "Hazırda dövlət büdcəsinə yaranan cari borcların ödənişləri vaxtında icra edilir".

    Qeyd edək ki, son günlər bəzi KİV-də Hesablama Palatasının Azərbaycanın 2015-ci il dövlət büdcəsinin icrasına dair illik hesabata verdiyi rəyə istinadən əsas götürərək, "Azərenerji" ASC-nin dövlət büdcəsinə 780 mln. manat borcu olması barədə məlumatlar yayılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi