Avropada qazın qiyməti 22% enib 

Avropada qazın qiyməti martın 4-dən sonra ilk dəfə olaraq, min kubmetr üçün 1 900 ABŞ dollarından aşağı düşüb. 

“Report” Londonun “ICE Futures” birjasına istinadən xəbər verir ki, Avropanın ən likvid habı olan TTF-də (Niderland) qazın aprel fyuçerslərinin qiyməti 1 894,3 ABŞ dolları səviyyəsinə enib.  Bu isə ticarət sessiyasının əvvəli ilə müqayisədə 22% daha aşağıdır. 

Xatırladaq ki, martın 7-də Avropadakı hərraclarda mavi yanacağın qiyməti 79% artaraq ilk dəfə 3900 ABŞ dollarına çatmışdı.

Avropada keçirilən hərraclar zamanı təbii qazın qiyməti 14 faiz ucuzlaşıb.

“Report” xəbər verir ki, Londondakı “İCE Futures” birjasında hərrac zamanı regionun ən böyük onlayn qaz satışı mərkəzi olan TTF-dəki aprel fyüçersləri 2096,6 USD/1000 kubmetrdən satılıb.

Xatırladaq ki, martın 7-də Avropadakı hərraclarda mavi yanacağın qiyməti 79 faiz artaraq 3900 dollara çatmışdı. Regionda qazın bahalaşması əsas təchizatçı ölkə olan Rusiyaya Ukraynaya qarşı başladığı müharibəyə görə tətbiq edilən beynəlxalq sanksiyalarla bağlıdır.