Avropada qazın may fyuçersləri 1,4% bahalaşıb

Avropada təbii qazın qiyməti zəif artım nümayiş etdirərək, min kubmetr üçün 1 200 ABŞ dollarına yaxınlaşıb.

“Report” Londonun ICE birjasına istinadən xəbər verir ki, Avropanın ən böyük habı olan TTF-də (Niderland) qazın may fyuçerslərinin qiyməti günə 1 172 ABŞ dolları ilə başlayıb və zəif artım nümayiş etdirib. Lakin daha sonra sürətlənən qiymət artımı sayəsində təbii qazın min kubmetrinin qiyməti 1,4% artaraq, 1 195 ABŞ dollarına çatıb.