Avropa Komissiyası təmiz enerjiyə keçid səylərində Azərbaycanı dəstəkləməyə davam edəcək

"Avropa Komissiyası təmiz enerjiyə keçid səylərində Azərbaycanı dəstəkləməyə davam edəcək".

Bunu “Report”a müsahibəsində Avropa İttifaqının (Aİ) enerji məsələləri üzrə komissarı Kadri Simson deyib.

“Ən səmərəli, ekoloji cəhətdən təmiz və iqlimə uyğun təbii qaz təchizatı zəncirinin təmin edilməsi ümumi məsuliyyətdir. Qeyd etmək lazımdır ki, Anlaşma Memorandumu həm də bərpa olunan enerji üzrə əməkdaşlığın yolunu müəyyən edir. Bu, Aİ və Azərbaycan üçün qarşılıqlı maraq doğuran əsas sahədir və enerji tərəfdaşlığımızın uzunmüddətli xarakterini əks etdirir. Burada biz qarşıdakı aylarda və illərdə irəliləyiş əldə etmək əzmindəyik və Azərbaycanı təmiz enerjiyə keçid səylərində dəstəkləməyə davam edəcəyik”, - o bildirib.

Müsahibənin tam mətni ilə buradan tanış ola bilərsiniz.