Bakı. 16 iyun. REPORT.AZ/ Bu gün saat 18:00-a qədər Azərbaycan Dövlət Neft Şirkətinin (SOCAR) Qaz İxrac İdarəsinin Astara magistral qaz kəmərləri sahəsinin “Avrora”, “Xarxatan”, “Tüklə” və “Masallı” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.
"Report" SOCAR-a istinadən xəbər verir ki, təmir müddətində aparılan işlərin Lənkəran və Masallı rayonlarının bir hissəsinin qaz təchizatına təsir göstərməsi mümkündür.