​ARDNŞ avqust ayı ərzində 89 375 metr qazma işi həyata keçirib

Bakı. 4 sentyabr. REPORT.AZ/ 2014-cü ilin avqust ayı ərzində Azərbaycan Respublikası Dövlət Neft Şirkəti (ARDNŞ) 8252 metr qazma işi həyata keçirib.

Bu barədə “Report”a ARDNŞ-nin ictimaiyyətlə əlaqələr departamentindən məlumat verilib. Məlumata görə göstərilən bu rəqəm ARDNŞ-nin Müştərək Müəssisələr və Əməliyyat Şirkətləri istisna olmaqla reallaşdırdığı qazma işidir.

Ümumiyyətlə isə 2014-cü ilin yanvar-avqust aylarında Müştərək Müəssisələr və Əməliyyat Şirkətləri istisna olmaqla ARDNŞ üzrə 89 375 metr qazma işi görülüb ki, bunun da 87 747 metri istismara, 1628 metri isə kəşfiyyata aid olub.