Amerikada neft ehtiyatları əhəmiyyətli dərəcədə artıb

Bakı. 25 yanvar. REPORT.AZ/ Ötən həftə Birləşmiş Ştatlarda neft ehtiyatları 8 milyon barel artıb.

“Report” xəbər verir ki, bu barədə ABŞ-ın Energetika Nazirliyi məlumat yayıb.

"S&P Global Platts"ın məlumatına görə, ehtiyatların 0,6 mln. barel azalacağı gözlənilirdi.

Həftə ərzində benzin ehtiyatları 4,1 mln. barel artıb, distillyat ehtiyatları 0,6 mln. barel azalıb.