Almaniya kansleri: "Rusiya qazının Ukrayna vasitəsi ilə Avropaya nəqli davam edəcək"

Bakı. 24 avqust. REPORT.AZ/ "Şimal axını-2" layihəsi tamamlanandan sonra belə Rusiya Avropaya qazın Ukrayna ərazisi üzərindən nəqlini davam etdirəcək.

"Report"un "Reuters"ə istinadən veridiyi məlumata görə, bunu Almaniya kansleri Anqela Merkel Tbilisidə universitetin tələbələri qarşısında çıxış zamanı deyib.

Onun sözlərinə görə, "Şimal axını-2" layihəsi Almaniyanı Rusiya qazından asılı vəziyyətə qoymayacaq.

Qeyd edək ki, bundan öncə Ukrayna xarici işlər naziri Pavlo Klimkin deyib ki, rəsmi Kiyev Rusiyanın qazını Ukrayna ərazisindən nəqlini davam etdirəcəyi barədə Berlinin və Moskvanın vədlərinə inanmır.