Yuxarı

Aleksandr Novak: "OPEC+ neft bazarına müsbət təsir göstərir"

​Aleksandr Novak: "OPEC+ neft bazarına müsbət təsir göstərir"

"OPEC+ ölkələrinin birgə atdığı addımlar dünya neft bazarına müsbət təsir göstərməkdə davam edir".

"Report" RİA "Novosti"yə istinadən xəbər verir ki, bunu Rusiyanın Energetika naziri Aleksandr Novak saziş üzrə Nazirlərin Monitorinq Komitəsinin (JMMC) iclasının açılışında çıxışı zamanı deyib.

"Əsas məsələ bütün ölkələrin OPEC+ sövdələşməsi üzrə üzərinə götürdükləri öhdəlikləri yerinə yetirməyə sadiq qalmasıdır", - o bildirib.

A.Novak həmçinin söyləyib ki, Səudiyyə Ərəbistanının yeni energetika naziri Əbdül Əziz bin Salman əl-Səudun geniş sahə və həyat təcrübəsi OPEC+ üzvü olan ölkələrin qlobal neft bazarını sabitləşdirmək üçün əldə etdikləri nəticələri daha da yaxşılaşdırmağa imkan verəcək.

Qeyd edək ki, JMMC Əbu-Dabidə keçirilən iclasda neft hasilatının məhdudlaşdırılması ilə bağlı sazişin həyata keçirilməsini və bazardakı vəziyyəti müzakirə edəcək. Komitəyə Venesuela, Küveyt, Əlcəzair, Oman, Rusiya, Səudiyyə Ərəbistanın nümayəndələri daxildir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi