Ağdaşın mərkəzində və Ləki qəsəbəsində qaz təchizatı müvəqqəti dayandırılıb  

Bu gün saat 21:00 radələrində magistral kəmərdə aşkarlanan qaz sızmasının ləğvi ilə bağlı Ağdaş rayonunun mərkəzi və Ləki qəsəbəsində qaz təchizatı müvəqqəti olaraq dayandırılıb.

Bu barədə "Report"a “Azəriqaz” İstehsalat Birliyindən məlumat verilib.

Məlumata görə, "Qaz İxrac" İdarəsi gecə saatlarında qaz sızmasının ləğvi ilə bağlı təmir işləri aparacaq. Qeyd edilən ərazilərdə qaz təchizatının noyabrın 15-də səhər saatlarında bərpası gözlənilir.