Yuxarı
    Bağlamaq

    ADB Azərbaycanda elektrik enerjisinin qiymətlərinin tənzimlənməsi ilə bağlı layihəyə 1,2 mln. dollar ayırıb

    Layihəyə görə, 2022-ci ilə qədər elektrik enerjisinin qiyməti tədricən artırılacaq

    Bakı. 7 sentyabr. REPORT.AZ/ Asiya İnkişaf Bankı (ADB) “Azərbaycan: Enerji sektoruna ayrılan investisiyaların bərpası planının hazırlanması” üçün texniki dəstək proqramını təsdiq edib. “Report”un məlumatına görə, ADB rəhbərliyinin təsdiqlədiyi layihə 1,2 mln. ABŞ dolları civarındadır.

    Məlumatda deyilir ki, bu maliyyələşmə 4 əsas məsələni özündə əks etdirir. Onlardan birincisi elektrik enerjisinin real qiymətinin (enerjinin istehsalı, ötürülməsi və paylanması) hesablanması, ikincisi müxtəlif mənbələrdən (hidro, günəş, su və qaz) və müxtəlif müştərilər üçün enerji istehsalı, ötürülməsi və paylanması üçün yeni fərqli tarif strukturunun dizayn edilməsi, həmçinin müxtəlif müştəri sinifləri üçün hazılrki vahid tariflərin əvəzlənməsi və bununla da müştəri sinifləri arasında çarpaz subsidiyalaşmanın formalaşmasına şərait yaratmaqdır.

    Layihədə nəzərdə tutulan digər məsələlər isə maliyyələşmənin bərpasının inkişafı naminə tariflərin tədricən artırılması üçün yol xəritəsinin hazırlanması və 2022-ci ilədək tam dəyərinin bərpasına nail olmaq və tarif islahatları ilə bağlı ictimaiyyəti məlumatlandırmaq kampaniyasını həyata keçirməkdən ibarətdir.

    ADB bu istiqamətlərdə işlərin görülməsi üçün 2017-2018-ci illərdə əlavə maliyyələşmənin də mümkünlüyünü də açıqlayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi