ADB Azərbaycana 750 mln. dollar kredit ayıracaq

Bakı. 5 may. REPORT.AZ/ Asiya İnkişaf Bankı (ADB) və Azərbaycan hökuməti arasında "Azərişıq" ASC-nin fəaliyyətinin yaxşılaşdırılması üçün dəyəri 1 mlrd. ABŞ dolları olan investisiya müqaviləsi imzalanıb. 

"Report" xəbər verir ki, müqaviləni ADB tərəfindən vitse-prezident Vensay Zanq (Wencai Zhang), Azərbaycan tərəfindən isə maliyyə naziri Samir Şərifov və "Azərişıq" ASC-nin sədri Baba Rzayev imzalayıblar.

Müqaviləyə görə, ADB Azərbaycana 750 mln. dollar həcmində kredit ayıracaq. Qalan 250 mln. dolları isə ölkə hökuməti maliyyələşdirəcək.