Yuxarı

“Abşeron” yatağında ilk quyuda qazma III rübdə yekunlaşacaq

​“Abşeron” yatağında ilk quyuda qazma III rübdə yekunlaşacaq

Bakı. 7 fevral. REPORT.AZ/ Xəzərin Azərbaycan sektorunda yerləşən “Abşeron” qaz-kondensat yatağında ilk quyuda qazma işləri bu ilin III rübündə tamamlanacaq.

“Report” xəbər verir ki, bunu SOCAR-ın prezidenti Rövnəq Abdullayev AZƏRTAC-a müsahibəsində bildirib.

“SOCAR-ın “Heydər Əliyev” adına yeni yarımdalma üzən qazma qurğusu artıq ötən ildən “Abşeron” yatağındakı ilk quyuda qazma işinə başlayıb. Bu quyunun dərinliyi 7 400 metrdən çox olacaq. Qazma işləri bu ilin üçüncü rübündə tamamlanacaq”, - R.Abdullayev qeyd edib.

Onun sözlərinə görə, daha sonra həmin qurğu “Şəfəq-Asiman” layihəsi çərçivəsində axtarış quyusunda qazmaya başlayacaq.

R.Abdullayev “Abşeron” yatağından ilk məhsulun 2020-2021-ci illərdə əldə olunmasının proqnozlaşdırıldığını qeyd edib.

SOCAR prezidenti xatırladıb ki, dünyanın ən böyük qaz-kondensat yataqlarından biri olan “Şahdəniz” yatağının işlənməsi artıq ikinci mərhələyə keçib, bu da qarşıdakı illərdə ölkənin qaz hasilatına ildə əlavə 16 mlrd. kubmetr gətirəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi