Yuxarı

“Abşeron” və “Hacıqabul” magistral qaz kəmərləri sahələrində təmir işləri aparılacaq

Bir neçə ərazinin qaz təchizatında məhdudiyyətlər olacaq

Bakı. 5 sentyabr. REPORT.AZ/ Sentyabrın 6-də saat 09:00-dan 18:00-dək Azərbaycan Dövlət Neft Şirkətinin (SOCAR) Qaz İxrac İdarəsinin “Abşeron” magistral qaz kəmərləri sahəsinin “Alatava”, “Hacıqabul” magistral qaz kəmərləri sahəsinin “Qarasu” qazpaylama stansiyalarında və bəzi ölçü qovşaqlarında cari təmir işləri aparılacaq.

"Report" SOCAR-a istinadən xəbər verir ki, təmir müddətində Hacıqabul rayonunun Talış, Qarasu və Abdulabad kəndlərinin qaz təchizatında məhdudiyyətlər olacaq. Aparılan işlərin Bakı şəhəri Nəsimi, Binəqədi və Yasamal rayonlarının bir hissəsinin qaz təchizatına təsir göstərməsi də mümkündür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi