ABŞ-ın daimi nümayəndəsi: "İrana qarşı sanksiyalardan Avropa İttifaqının yayınma mexanizmi səmərə verməyəcək"

ABŞ-ın daimi nümayəndəsi: "İrana qarşı sanksiyalardan Avropa İttifaqının yayınma mexanizmi səmərə verməyəcək" Bakı. 13 noyabr. REPORT.AZ/ Avropa İttifaqı (Aİ) tərəfindən ABŞ-ın İrana qarşı sanksiyalarından yayınmaq üçün hazırlanan maliyyə transaksiya mexanizmi səmərəsiz olacaq.
Energetika
13 Noyabr , 2018 14:26
ABŞ-ın daimi nümayəndəsi: İrana qarşı sanksiyalardan Avropa İttifaqının yayınma mexanizmi səmərə verməyəcək

Bakı. 13 noyabr. REPORT.AZ/ "Avropa İttifaqı (Aİ) tərəfindən ABŞ-ın İrana qarşı sanksiyalarından yayınmaq üçün hazırlanan maliyyə transaksiya mexanizmi səmərəsiz olacaq".

“Report” TASS-a istinadən xəbər verir ki, bunu ABŞ-ın Aİ-dəki daimi nümayəndəsi Qordon Sondlənd bildirib.

“Avropa İttifaqının sanksiyalardan yayınmaq üçün xüsusi mexanizminin, eləcə də istənilən başqa mexanizmlərin faydalı olmayacağına, səmərə verməyəcəyinə əminəm. Avropanın bir çox şirkətlərinin İranla bağlı fəaliyyətinə xitam verməsindən çox razıyam. ABŞ onları alqışlayır”, – diplomat vurğulayıb.

İrana dair Müştərək Əhatəli Planı şərh edən amerikalı diplomat İran xalqına qarşı çıxmadıqlarını, İranda hakimiyyət dəyişikliyini  istəmədiklərini, sadəcə İran rejimindən daha məsuliyyətli davranış gözlədiklərini diqqətə çatdırıb.

Qeyd edək ki, son vaxtlar Avropanın bir sıra iri şirkətləri sanksiyalar ucbatından ABŞ-dakı işlərində itkilərlə üzləşməmək üçün İranla əməkdaşlığa son qoyub.

Son xəbərlər

Orphus sistemi