Yuxarı

ABŞ "Günəşli" yatağındakı qəzanın təhlilində köməyini təklif edib

Bu təklifi ABŞ-ın xüsusi elçisi və beynəlxalq enerji koordinatoru Amos Hokstayn bildirib

Bakı. 14 dekabr. REPORT.AZ/ ABŞ-ın xüsusi elçisi və beynəlxalq enerji koordinatoru Amos Hokstayn Azərbaycanın energetika naziri Natiq Əliyevə başsağlığı məktubu göndərib.

"Report" Energetika Nazirliyinə istinadən xəbər verir ki, A.Hokstayn “Günəşli” yatağının 10 saylı stasionar dərin dəniz özülündə baş vermiş qəza nəticəsində həyatını itirənlərin yaxınlarına dərin hüznlə başsağlığı verərək, xəsarət alanlara şəfa diləyib.

“Bu ağır günlərdə ABŞ sizin kədərinizi bölüşür”, - deyən A.Hokstayn qəzanın təhlili və bərpa işləri ilə əlaqədar ölkəsinin köməyini də təklif edib.

“ABŞ Daxili İşlər Nazirliyinin Təhlükəsizlik və Ətraf Mühitin Mühafizəsi (BSEE) Bürosu hadisənin əsas səbəbinin təhlilində kömək etməyə hazırdır”, - A.Hokstayn qeyd edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi