ABŞ-da OPEC-in neft bazarına təsirini məhdudlaşdıran qanun qəbul edilə bilər

ABŞ-da OPEC-in neft bazarına təsirini məhdudlaşdıran qanun qəbul edilə bilər Bakı. 22 noyabr. REPORT.AZ/ ABŞ Ədliyyə Nazirliyində OPEC-in (Neft İstehsalçısı və İxracatçısı Ölkələr Təşkilatı) dünya neft bazarına təsirini azaldan qanun layihəsi rəsmən müzakirə olunur.
Energetika
22 Noyabr , 2018 12:41
ABŞ-da OPEC-in neft bazarına təsirini məhdudlaşdıran qanun qəbul edilə bilər
0 : 00
0 : 00

Bakı. 22 noyabr. REPORT.AZ/ ABŞ Ədliyyə Nazirliyində OPEC-in (Neft İstehsalçısı və İxracatçısı Ölkələr Təşkilatı) dünya neft bazarına təsirini azaldan qanun layihəsi rəsmən müzakirə olunur.

“Report” “Bloomberg”ə istinadən xəbər verir ki, nazirlikdə adı çəkilməyən mənbəyə görə, vəziyyət hələlik araşdırılır, amma OPEC-in hasilat kvotaları vasitəsilə neftin qiymətinə təsir göstərmək siyasətinin amerikalı istehlakçılar üçün əlavə xərclərə səbəb olduğu artıq göz qabağındadır.

ABŞ Konqresindəki hər iki partiyanın dəstəklədiyi bu qanun layihəsi həm Nümayəndələr Palatasında, həm də Senatda müzakirəyə çıxarılıb. Lakin hələlik palataların heç birində sənədə dair səsvermə keçirilməyib.

Xatırladaq ki, bu il iyun ayının ortalarında Ohayo ştatından olan konqresmen Stiv Çabot tərəfindən təqdim edilən NOPEC (No Oil Producing and Exporting Cartels) adlı qanun layihəsi nümayəndələr palatasının hüquq komitəsində təsdiq olunmuşdu. Bu sənəd OPEC üzv ölkələrini ABŞ antiinhisar qanunları çərçivəsində kartel razılaşması iştirakçısı qismində tövsif etməklə imunitetdən kənarlaşdırmağı nəzərdə tutur.

Son xəbərlər

Orphus sistemi