Bakı. 11 mart. REPORT.AZ/ Təxminən 20 yaponiyalı iş adamından ibarət qrup Bakıda azərbaycanlı tələbələrlə görüş keçirib.
"Report" xəbər verir ki, görüş Azərbaycan Dillər Universitetində baş tutub.
Görüş zamanı iqtisadiyyat sahəsi üzrə yaponiyalı ekspert Kazuyasu İşidanın başçılıq etdiyi iş adamlarından ibarət nümayəndə heyəti iki ölkə arasında əlaqələrin qurulması yollarını, eləcə də bu əlaqələrin möhkəmlənməsinə mane olan əngəllərin aradan qaldırılması yollarını müzakirə edib.
Öz növbəsində, görüşdə iştirak edən tələbələr Azərbaycan-Yaponiya əlaqələrinin möhkəmləndirilməsində necə faydalı ola biləcəkləri barədə danışıb.