Yuxarı
    Bağlamaq

    TQDK tərəfindən keçirilməsi nəzərdə tutulan zona müşavirələrinin vaxtı dəyişdirilib

    Buna səbəb martın 15-də rezidenturaya qəbul imtahanı və peşə liseylərinin məzunları üçün buraxılış imtahanlarının keçirilməsidir

    Bakı. 10 mart. REPORT.AZ/ Tələbə Qəbulu üzrə Dövlət Komissiyası (TQDK) tərəfindən keçirilməsi nəzərdə tutulan zona müşavirələrinin vaxtı dəyişdirilib. Bu barədə "Report"a TQDK-dan məlumat verilib.

    Komissiya martın 15-də rezidenturaya qəbul imtahanı və peşə liseylərinin məzunları üçün buraxılış imtahanları keçirəcək. Bununla əlaqədar zona müşavirələrinin başqa vaxtda keçirilməsi qərara alınıb.

    Qeyd edək ki, TQDK tərəfindən respublikanın 9 rayonunda 2014/2015-ci tədris ili üçün ali təhsil müəssisələrinə qəbul imtahanlarının elmi-statistik təhlilinə həsr olunmuş zona müşavirələrinin keçirilməsi nəzərdə tutulurdu. Zona müşavirələrinin Lənkəranda, Şəkidə və Xaçmazda martın 11-də, Bakıda, Gəncədə, Ağcabədidə, Göyçayda və Şirvanda martın 12-də, Naxçıvanda isə martın 13-də təşkil olunacağı açıqlanmışdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi