Yuxarı

TQDK Hərbi Akademiyanın magistraturasına qəbul imtahanının I mərhələsini keçirəcək

İmtahanda iştirak etmək üçün 100 nəfər namizəd qeydiyyatdan keçib

Bakı. 1 dekabr. REPORT.AZ/ Dekabrın 2-də Tələbə Qəbulu üzrə Dövlət Komissiyası (TQDK) Silahlı Qüvvələrin Hərbi Akademiyasının magistraturasına qəbul imtahanının I mərhələsini keçirəcək. "Report" xəbər verir ki, bu barədə TQDK-nın yaydığı məlumatda bildirilir. 

İmtahan Bakı şəhərində 1 binada 11:00-da başlanacaq və 2 saat 30 dəqiqə ərzində aparılacaq. İmtahanda iştirak etmək üçün 100 nəfər namizəd qeydiyyatdan keçib.

İmtahanda namizədlərin test üsulu ilə məntiqi təfəkkürü, informatika və xarici dil bilmə səviyyəsi yoxlanılacaq. Namizədlərə məntiqi təfəkkürün yoxlanılması üzrə 50, informatika üzrə 25 və xarici dil üzrə 25 test tapşırığı təqdim olunur. Hər bir fənn üzrə 5 sual açıq tipli test tapşırıqlarıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi