Tərtərdə ermənilərin dağıtdığı məktəb binaları, tibb məntəqəsi və uşaq bağçası bərpa edilir

Bakı. 21 aprel. REPORT.AZ/ Tərtər rayonunda məktəb binaları, tibb məntəqəsi və uşaq bağçası bərpa edilir.

"Report" xəbər verir ki, aprelin 2-dən ermənilərin endirdiyi artilleriya zərbələri nəticəsində Tərtər rayonunda iki orta məktəb binasına, iki tibb məntəqəsinə və bir uşaq bağçasına mərmi düşüb. Nəticədə binalara xeyli ziyan dəyib. 

Artıq Qaraağacı və Qapanlı kənd tam orta məktəblərində, Qapanlı və Yuxarı Qapanlı kəndlərindəki tibb məntəqələrində, Qazyan kənd körpələr evi-uşaq bağçasında təmir-bərpa işlərinə başlanılıb.