Yuxarı
    Bağlamaq

    ADU-da nazir müavini etirazçı tələbələrlə görüşüb - YENİLƏNİB

    Rektor görüşə qatılmayıb

    Bakı. 30 may. REPORT.AZ/ Azərbaycan Dillər Universitetində (ADU) dövlət imtahan formasının bərpasına etiraz edən tələbələrlə təhsil nazirinin müavini Ceyhun Bayramovun görüşü keçirilib.

    “Report” xəbər verir ki, ADU-nun rektor əvəzi Əfqan Abdullayevin iştirak etmədiyi görüşdə nazir müavini bir neçə tələbənin tövsiyələrini dinləyib. O qeyd edib ki, tələbələrin təklifləri ADU-nun Elmi Şurasına veriləcək: “Sabah saat 14:00-da Elmi Şuranın iclasında veriləcək qərarda tələbələrin bütün fikirləri nəzərə alınacaq”.

    *** saat 13:59

    Bakı. 30 may. REPORT.AZ/ "Azərbaycan Dillər Universitetində (ADU) dövlət imtahanlarının keçirilməsi ilə bağlı elan keçən ilin iyun ayından verilib. Yəni, tələbələrin xəbəri olub".

    ADU-nun mətbuat xidmətindən "Report"a bildirilib ki, qəbul edilən qərara əsasən, bu tədris ilindən yekun dövlət buraxılış attestasiya forması yığışdırılaraq buraxılış işi və dövlət imtahan forması ilə əvəz olunacaq.

    Mətbuat xidmətindən o da qeyd olunub ki, bu gün Təhsil Nazirliyinin nümayəndələri ilə tələbələrin görüşü keçiriləcək.

    Qeyd edək ki, bu gün ADU-nun tələbələri 7 ildən sonra yenidən dövlət imtahanının bərpasına etiraz olaraq aksiya keçiriblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi