Təhsil Nazirliyi: “Son zəng” tədbiri iyunun 14-də yalnız məktəblərin ərazisində təşkil olunacaq

Təhsil Nazirliyi: “Son zəng” tədbiri iyunun 14-də yalnız məktəblərin ərazisində təşkil olunacaq Bununla bağlı nazir Mikayıl Cabbarov əmr imzalayıb
Elm və təhsil
13 İyun , 2016 09:27
Təhsil Nazirliyi: “Son zəng” tədbiri iyunun 14-də yalnız məktəblərin ərazisində təşkil olunacaq

Bununla bağlı nazir Mikayıl Cabbarov əmr imzalayıb

Bakı. 13 iyun. REPORT.AZ/ Təhsil naziri Mikayıl Cabbarov Azərbaycanda “Son zəng” tədbirinin keçirilməsi haqqında əmr imzalayıb.

“Report”un xəbərinə görə, əmrin imzalanmasında məqsəd respublikanın ümumtəhsil məktəblərində ənənəvi “Son zəng” tədbirinin mütəşəkkil keçirilməsini təmin etməkdir.

Əmrə əsasən, “Son zəng” tədbiri iyunun 14-də yalnız müəssisənin ərazisində təşkil olunacaq.

Əmrdə qeyd olunur ki, “Son zəng” tədbirində valideyn komitələri, valideyn-müəllim assosiasiyaları və ictimaiyyətin nümayəndələrinin iştirakı təmin edilməlidir.

Naxçıvan MR Təhsil Nazirliyi, Bakı Şəhəri üzrə Təhsil İdarəsi, Gəncə Şəhər Təhsil İdarəsi, rayon (şəhər) təhsil şöbələri, bilavasitə Təhsil Nazirliyinin tabeliyindəki ümumi təhsil müəssisələrinin rəhbərləri “Son zəng”in məzmunlu keçirilməsi ilə bağlı təşkilati işləri aparıb, şagirdlərin təhlükəsizliyini təmin etmək məqsədilə zəruri tədbirlər görməlidirlər.

Əmrin icrasına nəzarət nazir müavini Ceyhun Bayramova həvalə olunub.

Son xəbərlər

Orphus sistemi