Təhsil Nazirliyi audit yoxlamalarının nəticələrini açıqlayıb, vəzifəli şəxslər işdən çıxarılıb

Bakı. 15 aprel. REPORT.AZ/ 2015-ci ildən bu ilin mart ayına kimi Təhsil Nazirliyinin tabeliyinə daxil olan təşkil və müəssisələrdə aparılan audit yoxlamalarının nəticələri açıqlanıb. "Report"un xəbərinə görə, media nümayəndələri üçün keçirilən təlimdə çıxış edən edən nazirliyin Audit şöbəsinin müdir əvəzi Elnur Hacıyev bildirib ki, bu müddət ərzində 7 təhsil şöbəsi, 5 məktəbdənkənar müəssisə, 74 orta məktəb və 1 peşə məktəbində yoxlama aparılıb.

Onun sözlərinə görə, yoxlamalar nəticəsində 3 şöbə müdiri tutduğu vəzifədən azad edilib, 4 müdir barəsində isə intizam tənbehi tədbiri görülüb: "Şöbənin 5 əməkdaşı, 3 məktəbdənkənar müəssisəsə və 32 orta məktəb direkotur tutduğu vəzifədən azad olunub. Şöbənin 27 əməkdaşı və 38 orta məktəb direktoru barəsində digər intizam tənbehi tədbiri görülüb. Peşə məktəbinin direktor əvəzi və baş mühasibi tutduğu vəzifədən azad edilib. 10643,27 manat məbləğin dövlət büdcəsinə bərpası təmin edilib".