Respublika Seysmoloji Xidmət Mərkəzi işçi axtarır

Bakı. 21 fevral. REPORT.AZ/ Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzi boş olan mühəndis vəzifəsini tutmaq üçün müsabiqə elan edib.

Bu barədə "Report"a Mərkəzdən məlumat verilib. Bildirilib ki, “Mühəndis geologiyası və seysmik mikrorayonlaşdırma” şöbəsi üzrə mühəndis vəzifəsini tutmaq üçün elan olunan müsabiqədə həmin ixtisas üzrə namizədlər iştirak edə bilərlər.

Sənədlər müsabiqənin tələblərinə uyğun olaraq, elan dərc edilən gündən etibarən 1 ay müddətində AMEA nəzdində Respublika Seysmoloji Xidmət Mərkəzinə təqdim edilməlidir.