Yuxarı

Azərbaycanda qəbul imtahanlarında qızlar oğlanları üstələyib

Qızlar Azərbaycan dilində, oğlanlar isə riyaziyyatda üstünlüyə malikdir

Bakı. 16 fevral. REPORT.AZ/ Qızlar Azərbaycan dilində, oğlanlar isə riyaziyyatda üstünlüyə malikdir. "Report" xəbər verir ki, bu barədə "Abituriyent" jurnalının 12-ci sayında qeyd olunub.

Bildirilir ki, hər 100 qız abituriyentdən 41-42-sinin qabiliyyəti - 0,00 loqitdən yüksək olduğu halda, hər 100 oğlan abituriyentdən qabiliyyətləri həmin intervalda yerləşənlərin sayı cəmi 26-27 nəfərdir. Beləliklə, bu intervalda fərq 15 faiz təşkil edir.

Riyaziyyatda isə bir qədər başqa mənzərə müşahidə olunur. Ümumiyyətlə götürdükdə, qız abituriyentlərin qabiliyyət göstəriciləri oğlanlardan yüksək olub. Azərbaycan dilindən fərqli olaraq riyaziyyat fənni üzrə oğlan və qızların qabiliyyət səviyyələrinin paylanmaları arasındakı fərq kiçikdir. Fərq müvafiq ortakvadratik meyilin Azərbaycan dilində 44, riyaziyyatda isə 6 faizinə bərabərdir. Ötən illərlə müqayisədə 2014-cü il artıq qız abituriyentlərin göstəriciləri oğlan abituriyentlərin göstəricilərini üstələyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi