Yuxarı

​Qax və Oğuzda "Multikulturalizm” jurnalının ilk nömrəsinin təqdimatı olub

Bakı. 5 iyul. REPORT.AZ/Qax və Oğuz rayonlarındakı Bilik evlərində “Multikulturalizm” jurnalının ilk nömrəsinin təqdimatı olub.Bu barədə Reporta ...

Bakı. 5 iyul. REPORT.AZQax və Oğuz rayonlarındakı Bilik evlərində “Multikulturalizm” jurnalının ilk nömrəsinin təqdimatı olub.

Bu barədə "Report"a Bilik Fondunun mətbuat xidmətindən məlumat verilib.

Bilik Fondunun Ölkədaxili layihələr sektorunun müdiri Hacı Abdulla Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayevin elmi redaktorluğu ilə buraxılan jurnalın ədəbi-bədii, elmi-publisistik məziyyətləri, "Multikulturalizm ili" çərçivəsində ölkəmizdə və xaricdə görülən işlər barədə məlumat verib.

Təqdimat mərasimlərində çıxış edən M.Əfəndi, Y.Rzayev, şair Cəlil Cavanşir bölgənin etnik rəngarəngliyi, multikultural mənzərəsi barədə danışaraq, jurnalın işıq üzü görməsini müsbət dəyərləndiriblər. Bölgədə yaşayıb yaradan müxtəlif etnik qruplara mənsub çox sayda sənətçinin yaradıcılıq nümunələrindən seçmələrin jurnalın növbəti saylarında yayılmasını arzu ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi