Prokurorluğa qəbulla bağlı yazılı imtahanda müvəffəqiyyət qazanmış namizədlərin adları açıqlanıb - SİYAHI

Bakı. 10 avqust. REPORT.AZ/ Bu il iyulun 28-də prokurorluq orqanlarında qulluğa qəbulla bağlı müsabiqə çərçivəsində keçirilmiş yazılı imtahanda müvəffəqiyyət qazanmış namizədlərin siyahısı açıqlanıb. Bu barədə "Report"a Baş Prokurorluqdan məlumat verilib. 

Məlumatda bildirilir ki, “Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında Əsasnamə”yə və “Prokurorluğa işə qəbul olunmaq üçün namizədlərlə müsabiqənin keçirilməsi Qaydaları”na əsasən, prokurorluq orqanlarına işə qəbulla əlaqədar elan edilmiş müsabiqənin ikinсi – yazılı imtahan mərhələsinə yekun vurulub.

Yazılı imtahanda uğurlu nəticə əldə etmiş namizədlərin siyahısı Baş Prokurorluğun veb-saytında (www.prokurorluq.gov.az www.prosecutor.gov.az,) və Qəbul otağında yerləşdirilib.

Müsabiqənin ikinci mərhələsində müvəffəqiyyət qazanmış 26 namizəd Qaydaların 7.5-сi bəndinə əsasən avqustun 12-dən Ədliyyə Nazirliyinin Tibb baş idarəsində tibbi müayinədən keçib müsbət rəy aldıqdan sonra növbəlilik qaydasında müsabiqənin növbəti – müsahibə mərhələsinə dəvət ediləcəklər.

Müsahibə Baş Prokurorluğun əsas inzibati binasında keçiriləcək (ünvan: Bakı şəhəri, N.Rəfibəyli küçəsi, 7).

Namizədlər tibbi müayinə və müsahibəyə gəldikdə şəxsiyyət vəsiqəsini təqdim etməlidirlər.

Əlavə məlumatı 437-28-56 və 492-62-23 nömrəli telefonlarla almaq olar.