Azərbaycanda pedaqoji fəaliyyətlə məşğul olan şəxslərə və tələbələrə güzəştlər tətbiq ediləcək

Bakı. 19 fevral. REPORT.AZ/ Nazirlər Kabineti “Ödəniş zamanı edilə biləcək güzəştin Şərtləri”ndə dəyişiklik edib.

“Report”un xəbərinə görə, qərarı baş nazir Artur Rasi-zadə imzalayıb.

Dəyişikliyə əsasən, bundan sonra ödənişli informasiyanın verilməsi zamanı elmi və pedaqoji fəaliyyətlə məşğul olan şəxslərə, ali və orta ixtisas təhsili müəssisələrinin tələbələrinə şəxslərə güzəştlər ediləcək.

İnformasiyanın verilməsi ilə əlaqədar ödəniş zamanı edilən güzəştin şərtləri tərəflərin qarşılıqlı razılığı ilə müəyyən olunur. Bu zaman güzəştin həcmi informasiyanın hazırlanması və verilməsi üçün çəkilən xərclərin 50 faizindən az olmamalıdır.