Yuxarı

Nazirlər Kabinetinin iş vaxtı rejiminin dəyişdirilməsi ilə bağlı qərarı təhsil işçilərinə şamil edilməyəcək

Mikayıl Cabbarov: Təhsil sisteminin hər bir üzvünü Avropa Oyunlarında daha yaxından iştirak etməyə çağırırıq

Bakı. 2 aprel. REPORT.AZ/ "Bu il Avropa Oyunlarının Bakıda keçirilməsi səbəbindən keçən ilin oktyabr ayında Nazirlər Kabinetinin qəbul olunmuş xüsusi qərarı ilə təhsil müəssisələrində tədris ilinin müddətinə müəyyən dəyişikliklər edilib. Belə ki, mayın 31-nə kimi bütün təhsil müəssisələrində - ümumi təhsil, ali və orta ixtisas təhsili müəssisələrində tədris prosesi və imtahan sessiyasının başa çatdırılması nəzərdə tutulur". "Report" xəbər verir ki, bunu təhsil naziri Mikayıl Cabbarov jurnalistlərə açıqlamasında deyib.

Onun sözlərinə görə, Avropa Oyunlarının keçirilməsi tələbələr, şagirdlər arasında çox müsbət qarşılanır: "Sevindirici haldır ki, on minlərlə könüllü, məhz təhsil sistemindən Oyunları dəstəkləmək və öz töhfəsini vermək üçün qoşulub. Nazirlik olaraq bu istiqamətdə lazım olan dəstəyi həm könüllülərə, həm də müvafiq təhsil müəssisələrinə verməyə hazırıq. Təhsil sisteminin hər bir üzvünü - həm təhsil verənləri, həm də təhsil alanları Avropa Oyunlarında daha yaxından iştirak etməyə çağırırıq. Çünki bu, Azərbaycanın idman tarixi və ictimai həyatında çox böyük hadisədir".

Qeyd edək ki, Nazirlər Kabinetinin qərarı ilə Birinci Avropa Oyunlarının keçirilməsi zamanı iş vaxtı rejimi dəyişdiriləcək. Bu dəyişiklik növbəli iş vaxtı rejimi əsasında və təhsil müəssisələrində işləyənlərə şamil edilməyəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi