Yuxarı
    Bağlamaq

    Naxçıvan Universiteti bir neçə ixtisaslar üzrə doktorantura və dissertanturaya qəbul elan edib

    Bakı. 30 dekabr. REPORT.AZ/ Naxçıvan Universiteti bir neçə ixtisaslar üzrə doktorantura və dissertanturaya qəbul elan edib.

    “Report”un məlumatına görə, doktoranturaya sənədlər gələn ilin yanvarın 15-nə qədər qəbul edilir. Qəbul imtahanları 16-30 yanvar 2018-ci il tarixlərdə keçiriləcək.

    Doktoranturaya və dissertanturaya qəbul üçün Naxçıvan Universitetinin rektorunun adına ərizə; kadrların şəxsi qeydiyyat vərəqi; tərcümeyi-hal; iş yerindən xasiyyətnamə; 3 ədəd fotoşəkil (3x4 sm ölçüdə); iş stajı olanlar üçün əmək kitabçasından çıxarış; çap olunmuş elmi işlərin siyahısı və ya seçilmiş ixtisas üzrə referat; ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan vətəndaşları üçün təhsil haqqında sənədlərin tanınması haqqında şəhadətnamə) və şəxsiyyəti təsdiq edən sənədin surətini təqdim etməlidirlər.

    Doktoranturaya qəbul olmaq istəyənlər ixtisas fənnindən, xarici dildən və fəlsəfədən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər.

    İxtisaslar üzrə qəbul aşağıdakı kimidir:

    Doktoranturaya fəlsəfə doktoru proqramı üzrə ödənişli əsaslarla

    Ümumi iqtisadiyyat – 1 yer (əyani)

    Etnopedaqogika – 1 yer (əyani)

    Dissertanturaya ödənişli əsaslarla

    Sistem analiz, idarəetmə və informasiyanın işlənməsi – 1 yer

    Vətən tarixi – 1 yer

    Azərbaycan dili – 1 yer

    Ümumi pedaqogika, pedaqogikanın və təhsilin tarixi – 2 yer

    Qeyd edək ki, fəlsəfə doktoru proqramı üzrə doktoranturada əyani təhsil müddəti 3 il, dissertantlıq yolu ilə 4 ildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi