Yuxarı
    Bağlamaq

    Müəllimlərin işə qəbulu ilə bağlı yeni qaydalar hazırlanır

    Eşqi Bağırov: “Dəyişikliklər müəllimlərin xeyrinə olacaq”© Report.az

    Bakı. 7 aprel. REPORT.AZ/ Müəllimlərin işə qəbulu ilə bağlı yeni qaydalar hazırlanır.

    “Report” xəbər verir ki, bunu Təhsil Nazirliyinin İnsan resursları şöbəsinin müdir müavini Eşqi Bağırov deyib.

    O bildirib ki, bu sahədə bir sıra yeniliklər də olacaq: “Dəyişikliklər müəllimlərin xeyrinə olacaq. Bu il müəllim olmaq üçün imtahan verən şəxslərin sayının daha çox namizəd gözləyirik, çünki vakansiyaların sayı artıq olacaq”.
    Nazirliyin İctimaiyyətlə əlaqələr sektorunun müdiri Cəsarət Valehov isə qeyd edib ki, Bakı şəhəri üzrə məktəblərdə direktor olmaq istəyən namizədlər üçün təlimlər keçiriləcək: “Müvafiq ali təhsil müəssisələrində keçirilən bu təlimlərdən uğurla keçən namizədlər daha sonra Bakı şəhəri üzrə Təhsil İdarəsinə müsahibə mərhələsinə dəvət olunacaqlar”.

    C.Valehov bildirib ki, müsahibədən keçən namizədlər Təhsil Nazirliyində keçiriləcək müsabiqədə iştirak edəcək: “Yaxın zamanlarda təlimlərlə baģlı ictimaiyyətə məlumat veriləcək. Aprelin 1-dən bu günə qədər paytaxtdan əlavə, digər şəhər və rayon məktəblərində direktor olmaq istəyən 2000-dən çox namizəd elektron qeydiyyatdan keçib. Halbuki keçən il ümumi müraciətlərin sayı 3000 idi. Proses davam etdiyindən bu il üçün müraciət edənlərin sayında artım olacağını gözləyirik”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi