Yuxarı
    Bağlamaq

    Monreal, Paris və London dünyanın ən yaxşı tələbə şəhərləridir

    Reytinqdə 100 şəhərin adı sadalanıb

    Bakı. 15 fevral. REPORT.AZ/ 2017-ci ildə dünyanın tələbələr üçün ən yaxşı şəhərləri beynəlxalq reytinqinə Monreal, Paris və London başçılıq edib.

    "Report" xəbər verir ki, bu barədə Böyük Britaniyanın "QS Quacquarelli Symonds" şirkətinin hesabatında qeyd olunur.

    Şirkətin çərşənbə günü açıqladığı reytinqdə tələbələr üçün dünyanın 100 ən yaxşı şəhərinin adı sadalanıb.

    Ekspertlər 125 şəhəri təhlil ediblər, qiymətləndirmə 6 meyar üzrə aparılıb: şəhərin məşhurluğu, maliyyə baxımından münasibliyi, yerli universitetlərin reytinqi, tələbə tərkibinin beynəlmiləlliyi, işverənlərin fəallığı, həmçinin tələbələrin şəhər haqqında fikirləri.

    Son göstərici 18 mindən artıq tələbənin sorğusunun nəticələrini özündə əks etdirir.

    2012-ci ildə reytinq təsis olunduğu vaxtdan bu yana ilk dəfə olaraq Monreal birincilikdə Parisi qabaqlayıb (Fransa paytaxtı ikinci olub). Eyni zamanda London iki pillə qalxaraq üçüncü yerdə qərarlaşıb. ABŞ şəhərləri arasında daha çox Boston fərqlənib. Ona reytinqdə 8-ci yer verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi