Yuxarı
    Bağlamaq

    Misir Mərdənov hesabat verib

    Hesabat ilində institutda 22 doktorant təhsil alıb, bu il 4 doktorant qəbul olub, 9 nəfər isə doktorantura təhsilini başa vurub

    Bakı. 10 dekabr. REPORT.AZ/ Bu gün AMEA Riyaziyyat və Mexanika İnstitutunun Elmi Şurasında institutun cari il üçün elmi və elmi-təşkilati fəaliyyəti haqqında hesabatı dinlənilib. "Report" xəbər verir ki, iclasda çıxış edən institutun direktoru, fizika-riyaziyyat elmləri doktoru, professor Misir Mərdanov görülən işlər barədə şura üzvlərinə məlumat verib. 

    Onun sözlərinə görə, hazırda institutda 250 nəfər çalışır, onların 159 nəfəri elmi işçidir: "Elmi işçilərdən 41-i elmlər doktoru, 89-u isə fəlsəfə doktorudur. AMEA-ya keçirilən seçkilərdə 3 əməkdaşımız müxbir üzv seçilib. Beləliklə, institututda 2 akademik və 4 müxbir üzv fəaliyyət göstərir. Hesabat ilində institutda 22 doktorant təhsil alıb, bu il 4 doktorant qəbul olub, 9 nəfər isə doktorantura təhsilini başa vurub".

    M.Mərdanov həmçinin qeyd edib ki, il ərzində dissertasiya şurasında 21 nəfər dissertasiya işi müdafiə edib, onlardan 7-si elmlər doktoru, 14 nəfəri isə fəlsəfə doktorudur: "Müdafiə edənlərdən 13 nəfəri (3 elmlər doktoru, 10 fəlsəfə doktoru) institutun əməkdaşlarıdır. Bu ilində institut əməkdaşlarının 390 elmi işi, o cümlədən xaricdə 107, impakt faktorlu olan jurnallarda 56 məqaləsi və 166 tezisi çap olunub, elmi işçilərin əsərlərinə olan isnadların sayı 850-ə çatıb. Qeyd edək ki, keçən il istinadların sayı 672 idi".

    Elmi Şura üzvləri institutun bu ilki fəaliyyətini müsbət qiymətləndirib. 

    Daha sonra gələn il üçün təkliflər dinlənilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi