Yuxarı

Mikayıl Cabbarov Şəmkirdə vətəndaşları qəbul edəcək

Görüş Şəmkirdəki Heydər Əliyev Mərkəzində baş tutacaq

Bakı. 7 aprel. REPORT.AZ/ Təhsil naziri Mikayıl Cabbarov aprelin 13-də Şəmkirdə vətəndaşları qəbul edəcək. Bu barədə "Report"a nazirlikdən məlumat verilib.

Şəmkirdəki Heydər Əliyev Mərkəzində keçiriləcək qəbulda Şəmkir, Tovuz, Qazax, Ağstafa və Gədəbəy rayonlarında yaşayan vətəndaşlar iştirak edə bilər. Qəbula gəlmək istəyən vətəndaşlar 7, 8, 9 və 10 apreldə Təhsil Nazirliyinin Telefon Məlumat Mərkəzinin 146 nömrəli telefonuna ("Qaynar xətt" xidməti) və ya elektron poçt ünvanına müraciət edərək qeydiyyatdan keçə bilərlər.

Qeydiyyatdan keçən vətəndaşlardan xahiş olunur ki, qəbula gələrkən aidiyyətə məsələləri dolğun ifadə edən ərizə ilə müraciət etsinlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi